norq. Жылу пішіндері
Қазақстандық радиаторлардың norq брендін басынан бастап қалыптастырдық. Нарық пен аудиторияны зерттеп, бренд атауын, фирмалық стилін әзірлеуге және веб-парақшасын іске қосуға дейінгі барлық жұмысты жүзеге асырдық. Техникалық сипаттамаларға басымдық беріп үйренген бұл салада өнімнің мұқият ойластырылған құрылымы мен адамға деген қамқорлықты біріктіретін «Жылудың сан алуан пішіні» идеясын қалыптастырдық.
Атауы мен дизайнындағы жылулық
Бренд атауын әзірлеу барысында қазақы жайлылық идеясын негізге алдық. Жергілікті мәдени ерекшелікті сақтай отырып, халықаралық деңгейде заманауи естілетін қысқа әрі нық атау іздедік. Әзірленген төрт бағыттың ішінен norq атауын таңдадық.
Фирмалық стильде жылудың қозғалысын бейнеледік. Суық көк түс біртіндеп жылы қызғылт сары түске ауысып, геометриялық пішіндер мен өрнектер радиатордың секцияларын, құбырларын және ішкі инженерлік құрылымын бейнелейді.
Жайлылықтың негізі қарым-қатынастан басталады
Бұл тұжырымға Қазақстан мен Ресейде жүргізілген 12 тереңдетілген сұхбат пен саланы кеңірек зерттеу нәтижесінде келдік. Жылу мен жайлылық ұғымдарын жан-жақты түсіну үшін радиаторлармен қатар, жарықтандыру, ыдыс-аяқ және құрылыс материалдары нарығын да зерттедік.
Осылайша norq бренді үшін «Жайлылық инженері» деген рөлді айқындадық. Оның мәні қарапайым: мұқият ойластырылған өнімдер адамның жайлылығын қамтамасыз етіп, артық назар аударуды қажет етпеуі тиіс.
Осы ұстаным негізінде инженерлік шешімдердің тиімділігі мен адамға деген қамқорлықты біріктіретін «Жылудың сан алуан пішіні» идеясы қалыптасты.
Техникалық саладағы өзіндік үн
norq техникалық салада өзіндік коммуникация мәнерін қалыптастырды. Біз инженерлік шешімдердің тиімділігін адам жайлылығымен ұштастырып, өнімді сатып алушылар мен сала мамандарына таныстырудың түсінікті негізін жасадық.
Енді компания командасында брендті әрі қарай дамытуға қажетті нақты бағдар бар: тұтынушыларға қандай уәде беру, олармен қалай сөйлесу және әртүрлі байланыс арналарында брендті қалай таныстыру керектігі айқындалды. Бренд атауы, дизайны мен коммуникациялық хабарламалары бір идеяға негізделді.
Осы тұжырымдама негізінде «Жылудың сан алуан пішіні» идеясын цифрлық кеңістікте жүзеге асыратын веб-парақшаны әзірлеп, іске қостық.